Die 18 Mantras der Śrī Īśopaniṣad      
  

Sri Isopanisad

Śrī Īśopaniṣad

A.C Bhaktivedanta Swami Prabhupāda


Die 18 Sanskrit Mantras der Śrī Īśopaniṣad
(zum Chanten, Singen oder Meditieren)

ॐ पूर्णमदः पूर्णमिदं पूर्णात्पूर्णमुदच्यते।
पूर्णस्य पूर्णमादाय पूर्णमेवावशिष्यते॥

om pūrṇamadaḥ pūrṇamidaṁ pūrṇātpūrṇamudacyate |
pūrṇasya pūrṇamādāya pūrṇamevāvaśiṣyate ||

ईशा वास्यम् इदं सर्वं यत् किञ्च जगत्यां जगत्।
तेन त्यक्तेन भुञ्जीथा मा गृधः कस्य स्विद्धनम्॥ १॥

īśā vāsyam idaṁ sarvaṁ yat kica jagatyāṁ jagat |
tena tyaktena bhujīthā mā gṛdhaḥ kasya sviddhanam || 1 ||

कुर्वन्न् एवेह कर्माणि जिजीविषेच्चतं समाः।
एवं त्वयि नान्यथेतोऽस्ति न कर्म लिप्यते नरे॥ २॥

kurvann eveha karmāṇi jijīviṣeccataṁ samāḥ |
evaṁ tvayi nānyatheto'sti na karma lipyate nare || 2 ||

असुर्या नाम ते लोका अन्धेन तमसावृताः।
तांस्ते प्रेत्याभिगच्चन्ति ये के चात्महनो जनाः॥ ३॥

asuryā nāma te lokā andhena tamasāvṛtāḥ |
tāṁste pretyābhigaccanti ye ke cātmahano janāḥ || 3 ||


अनेजद् एकं मनसो जवीयो नैनद्देवा आप्नुवन्पूर्वमर्षत्।
तद्धावतोऽन्यानत्येति तिष्ठत् तस्मिन्न् अपो मातरिश्वा दधाति॥ ४॥

anejad ekaṁ manaso javīyo nainaddevā āpnuvanpūrvamarṣat |
taddhāvato'nyānatyeti tiṣṭhat tasminn apo mātariśvā dadhāti || 4 ||


तद् एजति तन् नैजति तद् दूरे तद् व् अन्तिके।
तद् अन्तर् अस्य सर्वस्य तद् उ सर्वस्यास्य बाह्यतः॥ ५॥

tad ejati tan naijati tad dūre tad v antike |
tad antar asya sarvasya tad u sarvasyāsya bāhyataḥ || 5 ||


यस् तु सर्वाणि भूतान्य् आत्मन्य् एवानुपश्यति।
सर्वभूतेषु चात्मानं ततो न विजुगुप्सते॥ ६॥

yas tu sarvāṇi bhūtāny ātmany evānupaśyati |
sarvabhūteṣu cātmānaṁ tato na vijugupsate || 6 ||


यस्मिन् सर्वाणि भूतान्य् आत्मैवाभूद् विजानतः।
तत्र को मोहः कः शोक एकत्वम् अनुपश्यतः॥ ७॥

yasmin sarvāṇi bhūtāny ātmaivābhūd vijānataḥ |
tatra ko mohaḥ kaḥ śoka ekatvam anupaśyataḥ || 7 ||


स पर्यगाच् चुक्रम् अकायम् अव्रणम् अस्नाविरं शुद्धम् अपापविद्धम्
कविर् मनीषी परिभूः स्ययम्भूर् याथातथ्यतोर्ऽथान् व्यदधाच् चाश्वतीभ्यः समाभ्यः॥ ८॥

sa paryagāc cukram akāyam avraṇam asnāviraṁ śuddham apāpaviddham
kavir manīṣī paribhūḥ syayambhūr yāthātathyator'thān vyadadhāc cāśvatībhyaḥ samābhyaḥ || 8 ||


अन्धं तमः प्रविशन्ति येऽविद्याम् उपासते।
ततो भूय इव ते तमो य उविद्यायां रताः॥ ९॥

andhaṁ tamaḥ praviśanti ye'vidyām upāsate |
tato bhūya iva te tamo ya uvidyāyāṁ ratāḥ || 9 ||


अन्यद् एवाहुर् विद्ययान् यद् आहुर् अविद्यया।
इति शुश्रुम धीराणां ये नस् तद् विचचक्षिरे॥ १०॥

anyad evāhur vidyayān yad āhur avidyayā |
iti śuśruma dhīrāṇāṁ ye nas tad vicacakṣire || 10 ||


विद्यां चाविद्यां च यस् तद् वेदोभयं सह।
अविद्यया मृत्युं तीर्त्वा विद्ययामृतम् अश्नुते॥ ११॥

vidyāṁ cāvidyāṁ ca yas tad vedobhayaṁ saha |
avidyayā mṛtyuṁ tīrtvā vidyayāmṛtam aśnute || 11 ||


अन्धं तमः प्रविशन्ति येऽसम्भूतिम् उपासते।
ततो भूय इव ते तमो य उ सम्भूत्यां रताः॥ १२॥

andhaṁ tamaḥ praviśanti ye'sambhūtim upāsate |
tato bhūya iva te tamo ya u sambhūtyāṁ ratāḥ || 12 ||


अन्यद् एवाहुः संभवाद् अन्यद् आहुर् असंभवात्।
इति शुश्रुम धीराणां ये नस् तद् विचचक्षिरे॥ १३॥

anyad evāhuḥ saṁbhavād anyad āhur asaṁbhavāt |
iti śuśruma dhīrāṇāṁ ye nas tad vicacakṣire || 13 ||


संभूतिं च विनाशं च यस् तद् वेदोभयं सह।
विनाशेन मृत्युं तीर्त्वा संभूत्यामृतम् अश्नुते॥ १४॥

saṁbhūtiṁ ca vināśaṁ ca yas tad vedobhayaṁ saha |
vināśena mṛtyuṁ tīrtvā saṁbhūtyāmṛtam aśnute || 14 ||


हिरण्मयेन पात्रेण सत्यस्यापिहितं मुखम्
तत् त्वं पूषन्न् अपावृणु सत्यधर्माय दृष्टये॥ १५॥

hiraṇmayena pātreṇa satyasyāpihitaṁ mukham
tat tvaṁ pūṣann apāvṛṇu satyadharmāya dṛṣṭaye || 15 ||


पूषन्न् एकर्षे यम सूर्य प्राजापत्य व्यूह रश्मीन् समूह तेजः।
यत् ते रूपं कल्याणतमं तत् ते पश्यामि योऽसाव् असौ पुरुषः सोऽहम् अस्मि॥ १६॥

pūṣann ekarṣe yama sūrya prājāpatya vyūha raśmīn samūha tejaḥ |
yat te rūpaṁ kalyāṇatamaṁ tat te paśyāmi yo'sāv asau puruṣaḥ so'ham asmi || 16 ||


वायुर् अनिलम् अमृतम् अथेदं भस्मान्तं शरीरम्।
ओं क्रतो स्मर कृतं स्मर क्रतो स्मर कृतं स्मर॥ १७॥

vāyur anilam amṛtam athedaṁ bhasmāntaṁ śarīram |
oṁ krato smara kṛtaṁ smara krato smara kṛtaṁ smara || 17 ||


अग्ने नय सुपथा राये अस्मान् विश्वानि देव वयुनानि विद्वान्।
युयोध्य् अस्मज् जुहुराणम् एनो भूयिष्ठां ते नम उक्तिं विधेम॥ १८॥

agne naya supathā rāye asmān viśvāni deva vayunāni vidvān |
yuyodhy asmaj juhurāṇam eno bhūyiṣṭhāṁ te nama uktiṁ vidhema || 18 ||


॥ इति ईशोपनिषत् ॥
| iti īśopaniṣat |

॥ ॐ शान्ति शान्ति शान्तिः ॥
| oṁ śānti śānti śāntiḥ |


Sri_Isopanisad.pdf [PDF download]
Śrī Īśopaniṣad zum Online-Lesen   [HTML]
zurück zur Übersicht-Seite der Śrī Īśopaniṣad